माँ शक्तिदादी म्हाने प्यारा लागो सा

कोटासर रे मांई ने ऊँचो बणीयो धाम,
नवराताँ मेळो लागे, सारे सब रा काम
म्हाने प्यारा लागो सा ....
माँ सतीदादी कुळ रखवाली अच्छा लागो सा ,

मेघासर रे मांई ने, प्रकट्या शक्ति आप,
माँ ममता री मूरत जठे ,तुलछिराम जी बाप,
म्हाने प्यारा लागो सा...


चम चम चमके पालणो, रेशम लागी डोर,
झूला झूले "माना" माजी, दर्शण हो भरपूर ,
म्हाने प्यारा लागो सा..

दुखिया नित थारे द्वारे आवे, खाली झोळी लेई ,
दुखिया ने सुखिया कर देवे, मुँह मांग्यो वर देई ,
म्हाने प्यारा लागो सा...

सुत सँग आवो मायड़ माना, करूँ थाने पुकार,
थारो भरोसो मोटो देवी,कीजो बेड़ो पार ,
म्हाने प्यारा लागो सा...

हुकम हजूर दीज्यो म्हाने, सेवा रो वरदान,
नित उठ थारा दर्शण पाऊँ, करूँ थारो गुणगान,
म्हाने प्यारा लागो सा...

गायक - सुनीता स्वामी
गीतकार लेखक - श्रीराधे जोशी(हुकम)

विशेष धन्यवाद समस्त कांगला जोशी परिवार कोटासर

download bhajan lyrics (301 downloads)