हो ले जल्दी तयार सेठ जी खाटू नगरी जावेगे
हम श्याम के दर्शन पावेगे

बाट मेरी ले मान सेठानी न भीड़ में धक्के खावे गे
हम कैसे दर्शन पावे गे
हो ले जल्दी तयार सेठ जी खाटू नगरी जावेगे
हम श्याम के दर्शन पावेगे

मन्ने हो गए कितने साल पिया मने खाटू जी ले चाल पिया
ना होया एक भी लाल पिया बाबा के अर्जी लावे गे
श्याम के दर्शन पावेगे

यो मंदा म्हारा व्यपार बता पड़े महंगाई की मार बता
उड़े खर्चा कई हजार बता हम नोट कटे से ल्यावेगे
ना भीड़ में धक्के खावेगे

सारे जग में हो रही चर्चा उड़े हाथो हाथ मिले पर्चा
के लगे पता मोटा खर्चा गाडी की टिकट कटावे गे
हम श्याम के दर्शन पावेगे

संग भीम सेन भी गावेगा
वो तो नए नए भजन बनावेगा
उड़े राम अवतार जब गावेगा हम मिल के धूम मचावे गे
फिर श्याम का दर्शन पावे गे
हो ले जल्दी तयार सेठ जी खाटू नगरी जावेगे