मधुबन गाय चरावत कान्हा

मधुबन गाय चरावत कान्हा:

मधुबन गाय चरावत कान्हा,
मोर मुकुट पीत बसन मुरलिया,
कोटि सत काम लजावत कान्हा,
मधुबन गाय चरावत कान्हा------

खेलत कूदत बंशीवट छैयां,
संग ग्वालन धूम मचावत कान्हा,
मधुबन गाय चरावत कान्हा------

धन्य धन्य बड़ भागी गइयन,
मुरली मधुर सुनावत कान्हा,
मधुबन गाय चरावत कान्हा-----

ग्वाल बाल संग धूरि उड़ावत,
सांझ परे घर आवत कान्हा,
मधुबन गाय चरावत कान्हा-----

मातु चुमत मुख लेत बलैया,
सुर मुनि हियँ हर्षावत कान्हा,
मधुबन गाय चरावत कान्हा-----।।

रचना आभार: ज्योति नारायण पाठक
वाराणसी
श्रेणी
download bhajan lyrics (51 downloads)