मावलिया वो मोरे मावलिया,
   मावलिया वो मोरे मावलिया।-2

जावत हावस छोड़ के बड़ सुरता आबे वो ।
अवईया बछर म दाई अउ फेर आबे वो ॥-2
मावलिया वो मोरे मावलिया-2

दिन लागे महिना बरोबर महिना लागे साल ।
साल भर म होगेन कईसे हाल ले बेहाल॥-2
मावलिया वो मोरे....

सुरता के पुरता होगे रही रही सुरता आए।-2
तोरे भाव भगती म दाई नैना ले नीर बहाए॥ -2
मावलिया वो मोरे....

जो जोही जोरत जोरन बईठे हन तोर आस। -2
आबे अंबे अरझे रही सांसा अउ विश्वास॥-2
मावलिया वो मोरे....

दाई बहिनी पारा भर के जम्मो झन ला रोवाए।-2
लव बिदाई आखरी दाई कोसरिया माथ नवाए ॥-2
 मावलिया वो मोरे....

हे मावलिया वो मोरे मावलिया ,
हे मावलिया वो मोरे मावलिया।-2