बुलवा ले म्हाने खाटू नगरिया बुलवा ले

बुलवा ले बुलवा ले म्हाने खाटू नगरिया बुलवा ले,
चाहे दे ग्यारस ने हेलो या फागण के मेले में बुलवा ले,
बुलवा ले बुलवा ले.....

भगत घनेरा जावे है, मनचाहा फल पावे है,
मेरो नंबर कादसी आसी,
थोड़ो डट के तू फैसलों सुनवा ले,
बुलवा ले बुलवा ले...........

नाचतो कूदतो आवाँगा, एक निशान बनावांगा,
भजन सुना स्यु नाच दिखा स्यूं,
थोड़ो हटके निशान म्हारो बनवा दे,
बुलवा ले बुलवा ले...........

वारा न्यारा हो जासी, जद थारा दर्शन हो जासी,
फेर कोई चिंता ना सतावे,
अब जितना चाहे म्हाने नचवा ले,
बुलवा ले बुलवा ले...........

मैं आऊं परिवार भी आसी,
लाग रही खर्चे की फांसी,
मेहर नज़र की करदी बाबा,
कमल किशन को मनीआर्डर भिड़वा दे,
बुलवा ले बुलवा ले........
download bhajan lyrics (165 downloads)