ऐय्या बेठ्यो जइया

इतनी खातरी  करवावे, एको काई लागे,
ऐय्या बेठ्यो जइया, भक्ता को  जवाई लागे,
इतनी खातरी  करवावे.................

रोज नया -नया सिणगार सजावे,
नया-नया  श्याम मेरो गहना बनवावै,
एंटी होज्या ढीली, बागा बनवाई लागे,
ऐय्या बेठ्यो जइया...........

भगत  कहवे जी ऐने बनड़ो,२
समझण लाग्यो, खुद ने बनड़ो
ऐय्या मुल्के जइया २ हो रही सगाई  लागे २
ऐय्या बेठ्यो जइया...........

घनी मनुहार  करा  जद  यो आवे,
ब्याह शादी जितनो  खर्चो करवावे,
जद जद यो आवे,गांव में बधाई लागे
ऐय्या बेठ्यो जइया...........

नेन मिलावा,महासू नेन चुरावे २
लाड़ करा तो महासू मुखडो छुपावे
करके हाथ को इसारो,मुँह दिखाई मांगे
ऐय्या बेठ्यो जइया...........

चार दिना को मिलणो जुलणो,
मिल्या पाछे होव जद श्याम से बिछुड़णो
आओ बनवारी बारात की विदाई लागे
ऐय्या बेठ्यो जइया...........
download bhajan lyrics (285 downloads)