बम बम बम बम बम बम,
भोले जी नाथ जी भोले जी नाथ जी,
सुनो दास की ये पुकार,
चेला बना ले ने, ओ भोले चेला बना ले ने,
चेला बना ले ने, ओ भोले चेला बना ले ने....

जटा की तेरी ना माँगू गंगा, माथे का ना मांगू चाँद,
नंदी भी तेर धोरे राखिये, एक घूँट ना प्याइए भांग,
बस खोल दे तेरा द्वार, चेला बना ले ने, ओ भोले चेला बना ले ने....

शाम सबेरे भोले मेरे दाने मांग के ल्याऊंगा,
धुणा करदू तैयार तेरा तेरे हाथ में राख रामाँऊंगा,
आड़ गोसा की लादुंगा लार,
चेला बना ले ने, ओ भोले चेला बना ले ने....

जाट का सूं छोरा मै, तेरी भांग की कर दयु खेती,
कुंडी कुतका दे दिए मै  घोट दू सेती सेती,
तू पिके लिए डकार,
चेला बना ले ने, ओ भोले चेला बना ले ने....

मने सुना से दुनिया खातर पि लिया था जहर तने,
लंका दे दी रावण त यो सोने आला शहर तने,
फेर मेर त क्यू इंकार,
चेला बना ले ने, ओ भोले चेला बना ले ने....

जी ना लागे भोले याड दुनिया से या माडया की,
कद आऊ मै  मने बतादे टिकट कटाके  पहाड़ा की,
इस बिंदर का करदो उद्धार,
चेला बना ले ने, ओ भोले चेला बना ले ने....

प्रेषक: कुमार सुनील