चालो देखण ने बाई सा थारो बीरो नाचै रै

चालो देखण ने बाई सा थारो बीरो नाचै रै,
चालो देखण ने चालो देखण ने बाईसा,
थारो बीरो नाचे रे बीरो नाचे रै,
के थारो भाई नाचे रै चालो देखण ने,

आ रसियाँ की टोळी देखो ढोलक चंग बजावे है,
घूमर घाले साहिबो यूँ लुळ लुळ नाचे रै,
चालो देखण ने चालो देखण ने बाई सा,
थारो बीरो नाचै रै चालो देखण ने

बणकर बीन्द सेवरो बांध्यो,
रंग में भरया बाराती रे
मूंछ्यां वाळी बींदणी के सागे नाचे रै,
चालो देखण ने चालो देखण ने बाई सा,
थारो बीरो नाचै रै चालो देखण ने।

चार तो चंगा की टोल्या बाजारां में बाजे रै,
गोखां बैठी गोरड़्या घूँघट से झांके रै,
चालो देखण ने चालो देखण ने बाई सा,
थारो बीरो नाचै रै चालो देखण ने

चार तो चंगां की जोड्या,
बागां में ही बाजे रे
फुलड़ा चुगती गोरड़्या,
चंगा पर नाचे रै चालो देखण ने बाई सा,
थारो बीरो नाचै रै चालो देखण ने

चालो देखण ने बाईसा थारो बीरो नाचे रे,
चालो देखण ने बीरो नाचे रे,
कि थारो भाई नाचे रे चालो देखण ने,
चालो देखण ने बाई सा थारो बीरो नाचै रै,
चालो देखण ने चालो देखण ने बाईसा,
थारो बीरो नाचे रे बीरो नाचे रै,
के थारो भाई नाचे रै चालो देखण ने
श्रेणी
download bhajan lyrics (490 downloads)