लाज जावेगी म्हारी बात जावेगी

लाज जावेगी म्हारी बात जावेगी,
हाँ कर के मत नाटो बाबा लाज जावेगी,
बीच बाजार म्हारी बात जावेगी,
हाँ कर के मत नाटो बाबा लाज जावेगी

थारे ही भरोसे म्हे तो बाजी लगाई,
मत ना करो जी दाता म्हारी रुसवाई,
थारे ही जिम्मे दारामदार आवेगी,
हाँ कर के मत नाटो बाबा लाज जावेगी

क्या ताई बाबा म्हारी हांसी कराओ,
झूठे भ्रम में म्हाने क्यू थे भरमाओ,
लागे है डूब या जहाज जावेगी,
हाँ कर के मत नाटो बाबा लाज जावेगी

हिवड़ै की बात थारा काना म घालू,
बिन्या म सुनाई माधव दर से न हालू,
घणी या दूर तक आवाज जावेगी,
हाँ कर के मत नाटो बाबा लाज जावेगी
download bhajan lyrics (55 downloads)