ना देनो तो ना कर दे, क्यों नाच नचावे रे,
टाबरिया चौखट पर बैठा आस लगावे है,

तीन लोक में सांवरिया, तेरो ही डंको बाजे रे,
खाली हाथ चला ज्यावां तो, तेरी ही चौखट लाजे रे,
नैना बरसे नीर सांवरा, तू मुश्कावे रे,
टाबरिया चौखट पर बैठा आस लगावे है,

बाबूजी तो मौज करे और, बेटा फांका मारे रे,
मैं दुनिया में सुण्या ना देख्या, क्यों ना बात विचारे रे,
सरका दे थोड़ो सो तेरो के घट जावे रे,
टाबरिया चौखट पर बैठा आस लगावे है,

भूल चूक कोई होगी तो, माफ़ करो म्हे टाबरिया,
मंदिर में तेरे घंटो बाजे, घर में मेरे पायलिया,
"लहरी" जोड़ूँ हाथ सांवरा, क्यों तरसावे रे,
टाबरिया चौखट पर बैठा आस लगावे है,